Google е најдобар дигитален бренд за 2011 година, него го следат Facebook и Yahoo. Ова истражување, кое ги опфати најпосетуваните онлајн дестинации, го направи компанијата Nielsen.
Истражувањето на Nielsen покажа дека Google е најпосетениот бред во САД со повеќе од 150 милиони посетители секој месец, а помеѓу социјалните мрежи и блогови доминира Facebook со 137 милиони уникатни посетители месечно.
Што се однесува до видео записите, на прво место е Youtube со просечно 111 милиони корисници, а од производителите на смарт телефони на прво место е Apple со пазарен удел од 29 проценти, го следат HTC (21%) и RIM BlackBerry (17%).
Како што може да видите, овие години нема некои големи изненадувања на овие листи, меѓутоа интересно е да се види како е поделен дигиталниот простор помеѓу категориите „social”, „video”, и „mobile”.
Ќе биде интересно за 12 месеци повторно да ги разгледаме листите. Дали Google + ќе ги надмине Linkedin или Tumblr? Дали BlackBerry, Samsung и Nokia ќе стекнат предност над HTC? Или дали Facebook на крај сепак ќе успее да го надмине Google по бројот на единствени посетители?