Google Maps воведе 3Д фотографии

1 мај, 20120
google-maps

Дали некогаш сте посакале да ја посетите куќата на Ана Франк во Амсетрдам или Базиликата на Св. Марко во Венеција? Сега можете да тргнете во посета на овие локации – и на многу други – без влегување во авион или автобус.

Google Maps воведе нова опција која ви овозможува 3Д фото тура преку 15.000 популарни сајтови низ светот, вклучувајќи ја Бакингемската Палата, Фонтана ди Треви, Централ Парк и многу други.

За да ги пронајдете овие фотографии, внесете одредена ставка во Google Maps и од левата страна на екранот ќе видите резултати кои покажуваат која фото-тура е достапна.

За гледањето на фотографиите ќе мора да ja вклучите WebGL oпцијата на Google Map, која овозможува 3Д графика на пребарувачот, без инсталирање на дополнителен софтвер.

Google користел „напредна техника на компјутерска визија” за да создаде 3Д тура од јавни фотографии на корисниците поставени на Picasa и Panoramio, напишал Стив Сајц, инжењер на софтверот во Google Maps на својот блог.

„Google Maps потоа ги одбрал најдобрите слики и додал 3Д со беспрекорен премин кој ве води од еден до друг агол така да имате впечаток како да летате околу некој споменик.”


Leave a Reply

Your email address will not be published. Required fields are marked *