Маслото од јојоба, познато уште како течен восок, се извлекува од семенките на дрвото јојоба. Тоа служи за различни цели, но најдобро делува на кожата, ја прави здрава и убава.
Маслото од јојоба е 100% органско, што значи дека сосема е исчистено од секакви хемиски материи, кои можат да и наштетат на кожата. Тоа е навистина чист и здрав продукт за кожата, ги штити клетките и го стимулира растежот и регенерацијата на кови клетки.
Маслото содржи витамин Е, витамини од Б комплексот, а исто и минералите силициум, хлор, бакар и цинк, познати по својот антисептичен ефект.
Лековитите ефекти на маслото од јојоба го прават исклучително полезно, бидејќи успешно лекува оштетена кожа, испукани усни, а исто така ја омекнува кожата на рацете и стопалата. Со помош на маслото од јојоба можете да ги намалите и акните.
Маслото е многу полезно и за косата. Со него треба да се масира скалпот, за да се избегне неговото сушење што од своја страна е причина за појава на првут.