Иако конкуренти, Google, Microsoft, Yahoo и AOL ќе се здружат во борбата против интернет криминалот.
Дел од новоформираната DMARC група (Domain-based Message Authentication, Reporting & Conformance) се и PayPal, Linkedin, Facebook и Bank of America, а целта е да се создаде систем за потврда која на испраќачите и примателите на електронска пошта ќе им прикаже дека се работи за легитимна порака, пишува Wall Street Journal.
Желбата е да се креира систем кој на корисникот би му овозможил за електронска пошта, која да речеме ќе му стигне од банка, да биде сигурен дека е безбедна и дека не се работи за никава измама.
За проектот да биде успешен, пишува овој портал, неопходно е комплетната индустрија да ги прифати DMARC стандардите.
Околу новиот проект се собрани петнаесет компании.