Томи Фловерс од САД е човекот кој, според Гинисовата книга на рекорди, е сопственик на најмалиот музеј на светот.
Музејот е посветен на Едгар Алан По и е со површина од само 2 метри квадратни, а во него се изложени фотографии и предмети поврзани со популарниот писател на поезија, кој починал во 1849 година на 40 годишна возраст.
Некои од предметите се донација, додека некои Фловерс ги купил на онлајн аукции. Иако тој е професор по математика, сепак ги охрабрува своите ученици да ја сакаат литературата и историјата.