Кинеската компанија Huawei официјално ги објави датумите на пласирањето на својот нов „најбрз паметен телефон во својата класа и најтенок во светот” во продавниците ширум планетите.
Новиот паметен телефон на Huawei, Ascend P1 (на Android 4.0) од мај ќе биде достапен во Хонг Конг, Австралија и Тајван, а од јуни во Латинска Америка и Европа.
„Ascend P1 е комбинација на паметни опции и секси дизајн и претставува значајна пресвртница за Huawei Device”, изјави Ричард Ју, претседателот на компанијата.
Ascend P1 има 4,3 инчен qHD Super AMOLED екран, двојадрен TI OMAP 4460 процесор од 1,5 гигахерци и камера од 8 мегапиксели.
Се рекламира како најтенок паметен телефон со дебелина од само 6,6 милиметри.