НАСА откри нов остров во Црвеното Море

Новиот остров се појавил во водите западно од Јемен во Црвеното Море по вулканска ерупција, јавува НАСА.

НАСА објавила фотографии од густиот бел облак во близина на Зубаир во Црвеното Море.

„Снимката од ноември 2011, покажува остров кој порано не постоел. Густ облак од чад се издигнал над островот, темен кон дното, а посветол кон врвот, штоможеби е мешавина од пепел и пареа“, објасниле од НАСА.

„Подводните вулкански ерупции многу често создаваат нови острови“, објаснил вулканологот Рик Вундерман.