Поранешен претседател на САД, барем 3 пати имал средба со вонземјани

Поранешниот претседател на САД, Двајт Д. Ајзенхауер, наводно во присуство на бројни сведоци барем во три наврати комуницирал директно со вонземјани.

Тоа го тврди предавачот и авторот Тимоти Гуд кој смета дека состаноците се одвивале во американските воени бази помеѓу 1953 и 1961 година. Состаноците наводно ги организирал ФБИ, така што на суштествата од вселената им праќал телепатски пораки.

Гуд наводно поседува цврсти докази, бидејќи и самиот тој бил советник на Американскиот Конгрес и Пентагон, но исто така тврди дека Ајзенхауер бил само еден од државните службеници кој остварил контакт со вонземјаните.

Според неговите зборови, контактот со вонземјаните се одржува и денес и тоа не само во САД, туку и во други земји во светот. Исто така, вонземјаните имаат и неслужбени односи со земјаните, па комуницираат и со одредени поединци од сите страни на светот.

Поради тоа Гуд верува и дека не треба само така да се отфрлуваат видеата со НЛО, бидејќи „иако 90% од нив едноставно може да се објасни дека се наместени, сеуште остануваат милиони поединци кои навистина виделе вонземјански бродови.”

Во својот каталог на докази, го вбројува и фактот дека луѓето во основа се во контакт со видот на вонземјани кои се нарекуваат „Сиви”, но постојат и други видови од различни предели на вселената.