Жена од околината на Париз во неделата вечерта добила СМС порака од еден од своите пријатели дека планира да изврши самоубиство. Во паника повикала полиција и со тоа му го спасила жаивотот.
Неименуваната жена всушност претходно испратила СМС порака на погрешна личност, односно на пријателот кој и одговорил дека има намера да си го одземе животот. По неговата СМС порака, брзо ја информирала полицијата, го кажала неговото име и презиме но не и адресата на живеење.
Полицијата набрзо го пронашла станот на нејзиниот пријател, но бидејќи не се одзивал на повиците, а светолото во станот било вклучено, биле повикани пожарникари, па полицијата со нив насилно влегла преку прозор.
Мажот го нашле во кујаната на подот, покрај две шишиња алкохол, во моментот кога почнал да си ги сече вените на рацете.
Полицијата веднаш го префрлиле во најблиската болница каде му биле санирани раните. Неговата пријателка со сосема случајна порака му го спасила животот.