Семејството Обама пристигна на Хаваи за Божиќ

Американскиот претседател, Барак Обама, неговата сопруга Мишел и двете ќерки Малија и Саша, пристигнаа на Хаваите за таму да ги поминат божиќните празници.

Авионот на претседателот слетал во Хонолулу само неколку минути по полноќ по локално време.

Засега Обама не го посочил точниот датум кога ќе се врати во Вашингтон, но во петокот, тој рекол дека со оглед на тоа што во Конгресот не е постигнат договор за т.н. фискална карпа, тој ќе се врати во Вашингтон веднаш по Божиќ.

Традиционално, семејството Обама ги поминува божиќните и новогодишните празници на Хаваите. Обама не предвидува јавни настапи на островот оваа година.