Компанијата Sony Ericsson соопшти дека финансиската загуба во четвртиот квартал од 2011 година изнесува 207 милиони евра, а за целата фискална 2011 минусот изнесува 247 милиони евра.
Компанијата соопштила дека загубите во четвртиот квартал се резултат на силната конкуренција, падот на цените и трошоците за реструктуирање, дека е остворено 65% раст во однос на истиот квартал претходната година благодарејќи на Xperia телефоните со Android платформа, како и дека 28 милиони Xperia телефони се продадени до денеска.
Компанијата, која е 50:50 проценти сопствеништво помеѓу Sony и Ericsson, за ваквите резултати ги обвинува „интензивната конкуренција”, „ерозијата на цени”, како и големите поплави во Тајланд.
Наскоро, Sony ќе ги откупи акциите на Ericsson, кои вредат 1,5 милијарди евра, а се очекува оваа трансакција да биде завршена во следните неколку недели.
Компанијата испорачала 9 милиони од своите уреди во текот на четвртиот квартал во 2011 година, 20% помалку во однос на мината година и 5% помалку од третиот квартал.
Иако Sony Ericsson има намера во текот на 2012 сите адути да ги стави на пазарот на смарт телефони, „обичните” телефони и понатаму учествуваат со 20% во вкупната продажба.