Убави и здрави со диетата на јапонките

Јапонската диета станува се поактуелна бидејќи жителите на Јапонија се лидери во однос на должината на животот. Тие поретко страдаат од болести на срцето и наднормална тежина, а освен тоа оваа диета ја прави кожата сјајна и убава.

Диетата не е воопшто тешка. Едно од основните правила е да јадете мали порции храна секогаш. Во јапонската диета оризот е замена за лебот. Оризот е многу пополезен отколку лебот, кој содржи шеќер и многу јаглехидрати. Богатиот појадок е основата на јапонската диета. Тоа вклучува зелен чај, ориз на пареа, супа со тофу, омлет со зелен зеленчук и секако риба. Сето ова во минијатурни порции.

Јапонците јадат десерти, но ретко и мали порции. Бисквитите и тортите се прават од оризово брашно кое е поздраво од пченичното.

Основни продукти на јапонската диета се риба, зеленчук, ориз, соја, зелен чај, овошје. Диетата забранува прејадување. Се консумира минимално шеќер, а јаглехидратите се примаат главно од оризот. Нема ограничување во консумацијата на риба и морски плодови. Млечните продукти се сведуваат на многу мали количини.

Намалете ја употребата на сол зошто морските плодови содржат доволно. Секој ден јадете по 2-3 различни по боја овошја.