Аркан е убиен бидејќи се спогодил со ХАГ

Жељко Ражнатовиќ Аркан најверојатно е убиен бидејќи се спогодил со Хашкиот трибунал да биде сведок, тврди новинарот Миломир Мариќ, кој во моментов подготвува голем документарец за некогашниот командант на доброволната гарда.

“Очигледно дека Аркан тајно стапил во контакт со Хашкиот трибунал и дал некоја изјава. Можеби неговата ликвидација има врска со тоа. Веројатно го подготвувале да биде заштитен сведок. За ова никој до денес не знае ништо. Тоа дека го шамарал Марко Милошевиќ, дека бил во лоши односи со Раде Марковиќ…Тоа се глупости! Да се дрзне некој да го убие Аркан среде бел ден, тоа е невозможна мисија. Освен ако оние што го создале, дозволиле некој да го убие или пак самите тие го организирале тоа убиство“ – вели Мариќ.

Тој дополнува дека Аркан никогаш не признал дека соработувал со тајните служби.