Боракај: Бисерот на Филипините

Тропскиот остров Боракај е дел од Филипинскиот архипелаг, а се наоѓа околу 315 км јужно од Манила, северозападно од остров Панај. Туристите секоја година се упатуваат кон овој рај за да се насладуваат на прекрасните залези, белите песочни плажи и кристалните води наоколу.

Долг е само 7 километри, а на најтесната точка изнесува едвај 1 километар но и покрај малите димензии ова островче има многу што да понуди. Населението на островот изнесува 12 000 души.

Секоја година прекрасните плажи со бел песок и кристално чистите води хипнотизираат илјадници луѓе ширум светот. Сите тие се едногласни кога ја фалат убавината и шармот на ова место со исклучително опуштена атмосфера.