Цезар салата со сланина

Ова е една од многу варијанти на оваа позната салата, кој од оригиналот се разликува само по тоа што се додава сланина.

ПОТРЕБНИ СОСТОЈКИ:

100 грама сланина

2 парчиња тост леб

2-3 чешнина лук

1 голема зелена салата

100 милилитри маслиново масло

Сок од еден лимон

2 лажици мелени бадеми

30 грама пармезан

Сол и бибер

НАЧИН НА ПОДГОТОВКА:

Исечкајте ја сланината и пропржете ја без додаток на масло. Испржената сланина ставете ја на салвета да се упие мрснотијата. Тост лебот исечете го на ситени коцки, лукот ситно исечкајте го. Пропржете го лукот и лебот во маснотијата од сланината. Зелената салата измијте ја убаво и исечкајте ја. Измешајте ги сите намирници.

Изматете го маслиновото масло со сокот од лимон и бадемите. Посолете ставете бибер и со смесата прелијте ја салатата. Одозгора крупно изрендајте пармезан.

Уживајте во вкусот!!!