Потребни состојки:
- 1 ½ чаша мелени чоколадни бисквити
- 1/3 чаша растопен путер
- ½ чаша сок од портокал
- кесичка желатин
- 2 чаши сецкано бело чоколадо
- 600гр крем сир
- 1/3 чаша шеќер
- 1 чаша слатка павлака
- 2 лажици исецкана кора од портокал
- кругови свеж портокал
Начин на подготовка:
Кората замесете ја од мелениот бисквит и путер, па распоредете ја во тава, печете 10 минути на 170 степени и ставете да се лади. Желатинот растопете го во сок од портокал. Изматете крем сир и шеќер, па додадете го подготвениот желатин и растопеното бело чоколадо. На крајот внимателно додадете ја изматената слатка павлака помешана со кора од портокал. Филот нанесете го врз кората и ставете во фрижидер да се стегне. Колачот украсете го со кругови од портокал.