Ѓоковиќ: Татко ми беше на работ на смртта!

Српскиот тенисер Новак Ѓоковиќ за прв пат проговори за сериозноста на здравствената состојба на неговиот татко.

„Тој беше на работ на смртта“, изјавил Новак.

Срѓан Ѓоковиќ минатата година беше во многу тешка здравствена состојба. Новак не сакал конкретно да зборува околу деталите за болеста на неговиот татко, но рекол дека ситуацијата била многу комплицирана и дека била поврзана со сакралните прешлени.

Таткото на тенисерот бил два месеци во болница во еден од центрите за рехабилитација. Сега веќе може да шета, но сеуште не е 100% опоравен.

Новак истакнал дека последните 6 месеци биле многу тежок период за него и неговото семејство.