Глината е едноставен природен производ кој може да биде корисен за многу нешта, а најмногу за грижата за убавината. Но сега ќе ставиме акцент на нејзиното својство да се справи многу ефикасно со акните. Бидејќи таа е одлична во овој поглед!
Благодарение на минералите и другите корисни материи кои се содржани во неа, таа има способност да ја чисти кожата од токсини, да делува антисептично, да ги регулира маснотиите и да ги чисти порите во длабочина. А ова се многу важни моменти да се справите со проблемите на кожата!
За таа цел еве еден рецепт за маска, која сигурно ќе делува одлично, бидејќи вклучува и пивски квасец. А тој е богат со витамин Б, кој исто така има антифламаторно дејство.
Потребни производи:
2 лажици глина (по можност зелена)
1 лажица пивски квасец
Неколку капки вода
Измешајте ги трите состојки, така што да се добие хомогена смеса.
Нанесете ја маската на лицето и оставете да се исуши. Многу е важно за тоа време да не правите никакви гримаси, туку мирно да се релаксирате.
Конечно исплакнете со млака вода и нанесете лесен хидратантен крем.