Откако стана мајка, познатата пејачка се повлече од шоубизнис сцената и уживала во улога на новопечената мајка.
Адел по раѓањето на нејзиниот син се повлече од јавноста, а сега е прв пат фотографирана и тоа со синот во нејзините раце.
Британската пејачка пристигна на аеродромот во Лос Анџелес, каде ја препознале папараците и ја проследиле и фотографирале додека не ги поминала терминалите. Облечена во црно од глава до пети, изгледа дека Адел не е баш ‘најсреќна’ што ја дочекале објективи, па затоа брзо поминала покрај нив и се упатила во непознат правец.
Бидејќи ова е нејзиното прво појавување откако во октомври го родила синот , талентираната пејачка предизвика голем интерес во јавноста.
Покрај тоа, се шушка дека Адел ќе присуствува на “Златен глобус”, како номинирана пејачка. Нејзината насловна песна “Skyfall” за најновиот филм за Џејмс Бонд се натпреварува во категоријата најдобра песна. Вчера беше објавено дека “Skyfall” е една од песните номинирани за Оскар.
