Од каде потекнува традицијата да се слави Нова година?

По дефиниција Нова година е ден кога според соларниот и останатите слични календари почнува следниот календарски, датумски циклус, односно тоа е првиот ден од следната година. Една од најстарите традиции на човештвото е славење на Нова година.

Како почнало?

Сите култури и народи кои користат календар ја слават Нова година. Некои велат дека Кинезите први почнале да ја слават Нова година, а после нив биле старите Германи или Римјани. Знаеме дека Кинезите ја славеле својата нова година која доаѓа после нашата многу одамна. Свеченостите траеле по неколку дена.

Кога Римјаните ја освоиле Европа, Нова година почнала да се слави на 1 јануар според Грегоријанскиот календар. За нив Нова година претставувала почеток на новиот живот и нова надеж за иднина. Овој обичај и значење што и се придавале на нова година останале се до денес. Затоа и ние ја дочекуваме Нова година весели и среќни, бидејќи се надеваме дека ќе ни донесе само најдобро и ќе биде подобра од претходната. Дочекот на Нова година е на 31 декември, последниот ден од годината.