Разубавување со мандарина и крем сирење

Природни и вкусни состојки за убава кожа

Постепено ве запознаваме со мистичниот свет на маските за лице. Дури дефиниравме кои од нив се погодни за мрсна и комбинирана кожа, а кои за сува и чувствителна.

Денес ќе ви претставиме одлична природна маска за лице. Може да ја направите дома, погодна е за секој тип кожа и дејствува како пилинг. Мирисот е прекрасен!

Ќе ви требаат само:
– Една голема мандарина
– Околу 60 грама меко крем сирење

Начинот на подготовка е премногу лесен. Најнапред, излупете ја мандарината, отстранете ги семките со помош на лажица и доведете ја до состојба на пире. На портокаловата каша додадете крем сирење.  Мешајте до соединување на состојките.

Добиената маска нанесете врз претходно исчистено лице. Оставете ја да дејствува околу 10 минути и исплакнете со млака вода. Не заборавајте да ја завршите процедурата со вашата омилена хидратантна крема.