Шакира роди син

Поп ѕвездата Шакира и фудбалерот на Барселона, Жерар Пике, станаа родители, откако колумбиската пејачка синоќа го роди синот кој ќе се вика Милан Пике Мебарак, јавуваат светските медиуми.

Триесет и петгодишната Шакира Мебарак се породи со царски рез во болница во Барселона. Во соопштението на интернет страната на пејачката пишува дека “баш како неговиот татко, бебето Милан од неговото раѓање стана член на фудбалскиот клуб Барселона“.

Бебето има три килограми, а “мајката и бебето се здрави“, пишува на сајтот.