Најголемата зграда на светот во Ченгду, Сичуан, конечно е пуштена во употреба. Нејзината должина изнесува 500 метри, широка е 400 метри, а висока 100 метри. Таа има 1,7 милиони квадратни метри и е трипати поголема од Пентагон во Вашингтон.
Центарот е отворен на 28 јуни и во него се сместени деловни канцеларии, хотели, театри, трговски центар, па дури има и имитација на медитеранско село и воден парк.
Градот Ченгду планира да ја прошири својата подземна железница, но и да изгради нов аеродром до 2020 година, па сето тоа укажува на амбициите на градските власти од овој град да направат економска и културна престолнина во западниот дел на Кина.
