Едноставно и брзо: Направете ја фантастичната Ледолина торта
Состојки:
500 мл млеко
500 мл павлака за шлаг
12 лажици густин или 110 гр
1 ванилин шеќер
10 дкг чоколада за готвење
10 дкг бела чоколада
4 лажици шеќер
Кутија пишкоти или помала кутија бисквити во варијанта за торта или колачи
Подготовка:
Измешајте го млекото и павлаката за шлаг и од таа количина одземете околу 2 дл за да го растворите густинот со шеќерот.
Остатокот од течноста ставете ја на оган и кога ќе зоврие додадете го растворениот густин. Кремот релативно брзо се згуснува па затоа не е потребно долго време да се вари, околу 2-3 минути.
Кремот поделете го на два дела. Во едниот дел додадете рендана чоколада и мешајте енергично додека се стопи, а во другиот дел додадете бела чоколада и добро измешајте.
На дното од калапот за торти ставете пишкоти натопени во млеко или бисквити па веднаш премачкајте прво со темниот, а потоа и со белиот крем.
Ставете ја тортата во фрижидер добро да се олади.