За да може да дојде до раст на мускулите, потребни се аминокиселени (протеините се изградени од аминокиселини), а тие се основни градбени блокови на нашите животи.
Освен протеини, потребен ни е и гликоген, а за се ова на најефикасен начин да навлезе во ќелиите неизоставен е инсулинот. Прочитајте кои намирници се богати со сите потребни елементи за брз раст на мускулите.
Киноа – Не јадат сите луѓе месо, но како до вредните протеини ако не јадете месо? Одговорот на ова прашање е киноа. Ова е житарка која расте во Јужна Америка и е полна со протеини и тоа ги содржи сите девет есенцијални аминокиселини. Киноата не содржи глутен, лесно се вари, полна е со влакна, магнезиум и железо.
Бадеми – Бадемите се втора по ред храна која е полна со протеини. Само ¼ шолја бадеми содржи скоро 8 грама протеини, што е скоро за 2 грама повеќе од кокошкиното јајце. Бадемите се одличен извор на незаситени масти кои се добри и за срцето, како и магнезиум, минерал кој се користи во повеќе од 300 биохемиски реакции во телото.
Посно сирење – Веројатно не постои бодибилдер кој не консумира посно сирење. Едноставно прочитајте ја етикетата со нутритивни вредности и ќе видите зошто е тоа така. Само ½ шолја посно свежо сирење содржи 14 грама протеини во само 80 калории со помалку од 2 грама масти. Едноставно додадете го во блендер со вашето омилено овошје промешано со вода и ќе добиете оброк полн со витамини.
Остриги – Иако не се познати како храна која им помага на бодибилдерите за раст на мускулите, остригите се уште еден таен специјалитет кои тие редовно го користат. 100 Грама варени пацифички остриги содржат повеќе од 20 грама протеини и само 5 грама масти. Тие обезбедуваат повеќе цинк од било кој друг вид на храна. Освен тоа, богати се и со магнезиум, со што остригите се сместени на врвот на храната која може да помогне за изградба на мускулна маса.
Чоколадно млеко – Додека бевте дете, веројатно често ви говореле дека млекото е добро за растот. Но сега кога сте возрасни, млекото е исто толку подеднакво важно. Со оглед на тоа дека млекото е храна од животинско потекло, тоа ги пружа сите потребни аминокиселини, а истовремено нуди многу малку маснотии, особено обезмастеното млеко.
Немасно говедско месо – Црвеното месо како говедското е одличен извор на протеини, така што избегнувањето на вакво месо би било вистинска грешка. Само 100 грама говедско месо содржи повеќе од 27 грама протеини. Сепак, ваквата порција содржи и 11 грама масти и околу 200+ калории, но она што го издвојува ова месо од останатите конкуренти се дополнителните витамини и минерали кои ги содржи. Говедското месо е преполно со Б12, цинк и железо, елементи кои се неопходни за растот на мускулите.
Соја – Без разлика дали послужена како тофу или соино млеко, предностите на сојата едноставно не може да се измерат со било која друга храна од растително потекло, кога веќе зборуваме за изградба на мускулна маса. Една шолја сварена соја содржи околу 20 грама аминокиселини.
Јајца – Брзи и едноставни за подготовка, вкусни за јадење. Јајцата се клучна прехрамбена компонента на секој кој сака да изгради мускули. Секое јајце има 5 до 6 грама протеини во само 60 калории. Но не е важна само количината на протеини што ги чини толку посебни. Протеинот од јајцата се смета за најлесно искористлив протеин со највисока биолошка вредност.
Пилешко и мисиркино месо – Пилешкото месо е скоро при самиот врв на храна за раст на мускулите. 100 Грама чисти бели пилешки гради содржат скоро 31 грам протеини и само 4 грама масти. Што се однесува до протеини и масти, пилешкото месо е полн погодок, додека мисиркиното месо е уште подобра алтернатива.
Риба – Кога се работи за изградба на мускулна маса, рибата е таа која победува секаква конкуренција. Да го земеме за пример лососот. Тој не само што е полн со протеини од околу 25 грама на 100 грамска порција, тој содржи и многу други здрави и хранливи елементи. Лососот содржи и незаситени масни киселини корисни за срцето и омега-3 масни киселини. Тој претставува и одличен извор на витаминот Д.