НАСА апелира сите да го погледнеме ова видео

29 август, 20140
НАСА апелира сите да го погледнеме ова видео

Според резултатите од новото истражување спроведено од вселенскиот центар Годард на НАСА, и понатаму се емитуваат големи количини хемикалии одговорни за исчезнување на озонската обвивка на Земјата, пренесува Huffington Post.

И покрај склучениот договор во Монтреал, со кој се ограничува употребата на хемикалии кои го уништуваат озонот, и понатаму се ослободува јаглерод тетрахлорид.

Според атмосферскиот научник Кинг Лианг, ова не треба да се случува.

„Не треба да го гледаме ова што сега го гледаме. Јасно е дека постојат неидентификувани индустриски исфрлања, големи емисии од контаминирани локации или непознати извори на јаглерод тетрахлорид“, изјави тој.

Озонот во стратосферата ги штити живите организми од штетното ултравиолетово зрачење. Со слабеењето на озонската обвивка луѓето и живиот свет би биле поизложени на овие штетни зрачења кои предизвикуваат различни заболувања.

Одредено количество хемикалии создадоа озонска дупка над Антарктикот, која за прв пат беше забележана во 1985 година. Иако состојбата на озонската обвивка се има подобрено по донесувањето на протоколот во Монтреал, сепак дупката до денес постои.

httpv://www.youtube.com/watch?v=_Aw8c-0CBZQ

Leave a Reply

Your email address will not be published. Required fields are marked *