Проектот за новата претседателска лимузина која ќе го носи работното име Project Cortege ќе биде разработена во три различни верзии на возила. Покрај класичната луксузна лимузина, предвидено е производство и на СУВ и мини-ван верзија.
Приоритетот ќе биде развојот на лимузината која до 2016 година треба да добие финална верзија.
Останатите две изведби покрај за превоз на претседателот на Русија и државните функционери, ќе се појават и во редовна продажба.
Лимузината има класичен изглед и предница која потсетува на луксузните модели како Rolls-Royce и Bentley, а во нејзината изработка се вклучени повеќе руски компании. Според насоките на Путин, овој модел треба да биде комплетен руски производ, од развојот до изработката.
Според Рускиот министер за економија, Денис Мантуров, во проектирањето на руската претседателска лимузина е вклучена и германската компанија Porsche.
Тестовите на прототипот на лимузината ќе почнат до крајот на оваа година, а производството треба да стартува во 2016 година. Мини-ван и СУВ верзијата треба да се појават на пазарот до 2018 година.