Овие луѓе можат да си дозволат да трошат милион долари дневно

Десет луѓе во светот можат да си дозволат да потрошат по 1 милион долари на ден и покрај тоа да имаат доволно пари за најмалку 100 години.

Најбогатиот човек на светот е Карлос Слим од Мексико, кој поседува 80 милијарди долари. На Слим би му биле потребни 220 години за да го потроши своето богатство, проценуваат од „Oxfam“.

Вториот најбогат човек во светот, Бил Гејтс, има 79 милијарди долари, што е доволно за следните 218 години. Трет е Амансио Ортега со 63 милијарди долари, а според пресметките тој своето богатсво може да го потроши за 172 години.

Останатите седум лица кои имаат пари за повеќе од 100 години се Ворен Бафет, Лари Елисон, браќата Чарлс и Дејвид Кох, Лилиан Бетанкур, наследничка на францускиот козметички гигант „L’Oreal“, Кристи Волтон и Шелдон Аделсон.

Уште еден интересен факт покажува дека Карлос Слим може да заработува по 11,6 милиони долари на ден само од камати, ако парите му се орочени во банка со камата од само 1,9%. Бил Гејтс може да добива по 11.5 милиони долари, а Ортега – 9.1 милиони долари.