Откако изразот „оженет” бил тргнат од биографијата на Владимир Путин објавена на интернет страницата на рускиот претседател, новинската агенција Итар-Тасс, побарала објаснување, а гласноговорникот на кремљ едноставно одговорил: „Тоа значи дека дошло до развод”.
Приватниот живот на рускиот претседател е табу тема за руските медиуми. Затоа многумина во државата беа изненадени кога тој заедно со неговата, сега веќе поранешна сопруга, се појавија во емисија и соопштија дека по долгиот период одвоено живеење, планираат да се разведат.
Според Путин тоа била заедничка одлука по 30-годишниот брак. Људмила додаде дека така одлучиле бидејќи речиси воопшто не се гледале и бидејќи секој од нив живеел сопствен живот.
Тие имаат две ќерки, Марија и Катерина родени во 1985-та и 1986-та година.
Поранешната сопруга на претседателот на Русија, Владимир Путин, Људмила, предизвика бура од реакции појавувајќи се во фустан во боите на Украина и тоа во исто време кога Кремљ и официјално објави дека Владимир и Људмила се развеле.