Информациите од рецензиите велат дека има многу повеќе разлики од димензиите. DisplayMate Technologies е компанија специјализирана за екрани и сега ги објави резултатите од тестирањето на Galaxy S5.
Тие откриваат дека новиот модел има 22 проценти посветол екран од Galaxy S4 и 13 проценти посветол екран од Note 3. Сепак кога е во прашање енергетската ефикасност, Galaxy S5 е за 27 проценти подобар од претходникот.
Ако и двата уреди ги поставите на исто осветлување, Galaxy S5 ќе користи 18 проценти помалку енергија, што ја зголемува долговечноста на батеријата, пишува TalkAndroid.
Аголот на гледање исто така е подобрен. Типичниот LCD екран ќе покажува 55 процентно или поголемо намалување на осветлувањето кога се гледа под агол од 30 степени, меѓутоа кај Galaxy S5, тоа намалување изнесува 22 проценти.
Компанијата DisplayMate тврди дека во прашање е најдобриот екран на смартфон што досега го тестирале.