Златни фустани направени од 78 илади парчиња злато, тешки 3 килограми, и со цена од 150 000 евра биле продадени во 8 примероци. Фустаните се изработени од страна на еден златар во Турција.
Сопственикот на златарата која ги изработува и продава фустаните, Ахмет Атакан изјавил дека направиле дизајн за кој претходно никој немал доволно храброст.
На изработка на златниот фустан од 22 каратно злато работеле 7 работници 15 дена.
До сега продадовме 8 фустани, а имаме многу нарачки, па затоа ќе продолжиме да ги изработуваме, а ќе има повеќе различни модели – изјавил Атакан.
Ова не е фустан со кој можеш да шеташ по улица. Има жени кои можеби никогаш нема да го облечат фустанот, но сакаат да го имаат во својот гардеробер – додава сопственикот на златарата кој вели дека клиентите најчесто се мажи кои сакаат да ги изненадат саканите жени со еден ваков уникатен подарок.
