Домашни погачи со кисело млеко

Потребни состојки:

• 250g брашно (тип 400)
• 60g маргарин
• 1 шолја кисело млеко
• 1 кесичка прашок за печиво
• 1 јајце
• Сусам по желба

Подготовка:

Измешајте го брашното со прашокот за печиво, додадете го маргаринот и месете го тестото додека не добиете хомогена смеса.

Додадете го киселото млеко и повторно месете го тестото.

Оставете го на топло да мирува половина час, а потоа растегнете го тестото да биде дебело околу 2cm и со чаша направете погачи.

Во тава ставете масна хартија и наредете ги погачите. Премачкајте ги со жолчката од јајцето, напрскајте ги со сусам по желба и ставете ги во загреана рерна на 180 степени.

Печете ги 20-на минути сè додека не заруменат.