Периодов забрзано ви паѓа косата? Без грижи, има решенија
Забележувате дека во есен косата ви паѓа повеќе и почесто. Не грижете се, тоа е нормално. После UV зраците, солената морска вода и водата во базенот, богата со хлор, нашата коса започнува да се обновува.
Есенскиот косопад трае 4-6 недели и е нешто нормално. Покрај тоа добро е да превземеме некои мерки, за да сме сигурни дека тоа ќе си остане просто нормална промена и нема да премине кон нешто по сериозно.
За да и помогнете, најдобро е да се посети фризер и косата да се освежи со потстрижување. Наместо козметички производи, обидете се со домашни маски, кои ќе ја ревитализираат вашата коса без хемикалии.
Лековита маска против опаѓање на косата со пиво и јајце
Измешајте 20 мл пиво и 2 жолчки па со смесата намачкајте ја косата и скалпот. Овие состојки даваат нова сила на оштетената коса која паѓа. Маската треба да отстои еден час, после што се измива со млака вода.
Хранлива маска против косопад со камилица и мед
Сварете чај од камилица и оставете да се олади. Додадете лажица мед и мешајте додека добро не се раствори. Додадете 20 мл бадемово масло и повторно измешајте. Нанесете ја маската на скалпот и косата. Оставете така да делува колку може повеќе, после тоа се плакне само со млака вода.
Регенеративна маска против косопад со кромид, коњак и мед
Измешајте 1 супена лажица сок од црвен кромид, со една супена лажица коњак и една кафена лажичка мед. Нанесете ја смесата на скалпот и по должината на косата и добро измасирајте. После 4-5 часа се плакне косата со млака вода.
Лековита маска против косопад со оцет
Затоплете јаболков оцет на пареа. Втријте го во корените и по должината на косата. Завиткајте ја главата со најлон и топла крпа. После 1 час се плакне само со млака вода.
Лековита маска против косопад со рицинусово масло и јајце
Измешајте 30 гр рицинусово масло со 30 гр коњак и едно јајце. Намачкајте го коренот и по должината на косата. Завиткајте ја главата со најлон и топла крпа. После два часа се плакне косата со млака вода.
Покрај ова, не заборавајте да пиете многу вода, која сочину 25 отсто од обемот на влакното. Добро е и во исхраната да се внесат повеќе протеини, витамини и минерали.