Жената не е „лесна” кога се облекува провокативно, некои се закопчани до врат, но сепак лесно се откопчуваат

Кој одлучува дали девојката е „лесна” или не? Најверојатно вашиот одговор е мажите, но зарем секогаш донесуваат точна одлука според нивните предрасуди?

Одговорот е не, а еве и зошто.

1. Жената не е „лесна” ако има секс со вас на првиот состанок, едноставно сака секс и точка, нема потреба за оправдување, едноставно ве посакува.

2. Жената не е „лесна” кога наместо вас го одбира вашиот пријател после долго двоумење кој и се допаѓа повеќе. Прифатете го поразот како маж и не ја класифицирајте како „лесна” бидејќи сепак не била толку „лесна” за вас, нели?

3. Жената не е „лесна” доколку е ваша бивша девојка, како што тоа го мислат многу момци откако девојката ќе раскине со нив. Ако е бивша, не значи дека е „лесна” бидејќи сте имале секс. Сексот е природна работа во врската, запомнете го тоа!

4. Жената не е „лесна” ако пие алкохол повеќе од вас, едноставно знае како да си направи да и биде убаво. Внимавајте, некои жени и во пијана состојба се повеќе свесни отколку во трезна.

5. Жената не е „лесна” ако ви го даде телефонскиот број, можеби тоа го направила од учтивост или сожалување, не се преценувајте.

6. Жената не е „лесна” кога не сака да излезе со вас воопшто или по вторпат, можеби не сте и оставиле доволно добар впечаток.

7. Жената не е „лесна” ако ви е лесно достапна, можеби навистина сака да биде со вас, сте помислиле ли на тоа?

8. Жената не е „лесна” кога бара секс од вас, кратко и јасно.

9. Жената не е „лесна” ако го обожава сексот повеќе од вас, наместо да ја класифицирате како таква, радувајте се што воопшто не ја боли главата кога станува збор за секс, како што прават многу од жените денес.

10. Жената не е „лесна” кога се облекува провокативно, некои се закопчани до врат, но сепак лесно се откопчуваат.