Бившата на Ноле го освојува светот

Најпознатата српска диџејка која се прослави со веста дека таа е првата голема љубов на српскиот тенисер Новак Ѓоковиќ, полека но сигурно го освојува светот и своите колеги, светските диџеи.
Во ноември раскошната бринета Лејди Ли престојуваше во САД и Канада каде што настапувала во луксузните клубови во Чикаго, Њујорк, Монтреал и Торонто, а овие зимски денови фановите ги опсипува со егзотични фотографии од Тајланд.

Лејди Ли во тајландскиот луксузен комплекс Ксана бич настапувала на фестивал рамо до рамо со еден од најдобрите и најплатените светски диџеи, Швајцарецот Лучиано, кој бил воодушевен од српската убавица во секоја смисла.
Веднаш по завршувањето на фестивалот Лејди Ли добила понуди за настапи во клубовите ширум Тајланд, па таму ќе остане се до крајот на јануари, а потоа продолжува со турнејата низ Азија, а помеѓу останатото ќе настапува во елитни дискотеки во Пекинг и Хонг Конг.