Тајван забрани кучешко и мачешко месо
13 април, 20170
Тајванскиот парламент донесе закон со кој се забранува колење на мачки и кучиња за производство на месо за човечка исхрана. Со истиот закон се забранува корисниците на автомобили и моторцикли да ги влечат своите миленици додека возат.
Законот предвидува парични и затворски казни до две години, а имињата и фотографиите на прекршителите ќе бидат јавно објавувани, така што дел од казната ќе биде и јавно понижување.
Ова е прв ваков закон донесен во Азија.
Тајван во 2001 година забрани продажба на месо од овие животни, од економски причини.
Месото од мачки и кучиња беше дел од исхраната на луѓето на островот, а денес овие животни се сметаат за членови на семејството.