Еден жител на Трстеник, за кој се претпоставува дека живее и работи во странство, однапред ги платил сите сметки за целото соседство за месец јули, дознаваат “Новости” во ЈКП “Комстан” во Трстеник.
Имено, овој добронамерен човек дојде пред шалтерот на оваа компанија, каде што беше голема гужва, за да се распраша дали е можно за целата зграда каде што има стан да плати аванс за комунални услуги.
– Кога одговоривме дека е можно тоа авансно плаќање, тој платил по 1.000 динари за секој стан во зградата, што одговара приближно на месечната потрошувачка на оваа зграда во Трстеник – вели Билјана Андрејиќ за “Новости”.
– Бев изненадена, бидејќи за осум години, колку што работам, не видов ништо слично. Му реков, “Секоја чест”, и тој се насмеа и рече: “Само сакав да ги израдувам соседите, не се гледаме многу често”.