Лотаријата „ Mega millions“ се игра во 44 американски држави.
Официјалните лица за американската лотарија изјавија дека рекордниот џекпот во “Мега Милиони” од 1,6 милијарди долари го освои лоз купен во Јужна Каролина.
Добитните броеви беа извлечени минатата ноќ. Добитните броеви се 5, 28, 62, 65, 70 и мега топката со број 5. Среќниот добитник имаше прилично мали шанси, бидејќи веројатноста да ги погоди сите шест броеви е еден наспрема 302.5 милиони.
Лотаријата „ Mega millions“ се игра во 44 држави во САД, како и во Вашингтон и на Девствените Острови.
Веројатно ќе поминат денови, а можеби и недели пред победникот да дојде по добивката. Официјалната лотарија и финансиските менаџери ги советуваат луѓето да одвојат време да изнајдат стратегија за инвестирање на стотина милиони долари, а победниците, исто така, мора да ги земат во предвид безбедносните прашања што се јавуваат кога одеднаш стануваат неверојатно богати. Во зависност од федералната држава, победниците имаат од 180 дена до една година да ја подигнат добивката.