Актерката Barbаra Streisand ја шокираше јавноста со изјавата за контроверзниот документарен филм „Leaving Neverland“ за Michael Jackson и обвиненијата за силување кои ги наведоа Wade Robson и James Safechuck против кралот на поп музиката во споменатиот филм.
-„Тие момчиња сакале да бидат со него, на ранчот, тие биле воодушевени што се таму“, рече Streisand за жртвите кои во времето на злоставувањето имале помеѓу седум и десет години.
– Јас верувам во нивната приказна, и верувам дека се случило сè што кажаа, но што сега, тоа не ги уби? Сексуалните потреби на Jackson, беа негови сексуални потреби, рече таа.
„Мене ми е жал за Michael, и тие момчиња, но целосно ги обвинувам нивните родители”, рече пејачката и актерка.