Како трендсетерките го носат популарниот зебра принт?
Омилениот животински дезен во најинтересни изданија.
Освен ако не сте живееле во изолација во изминатата година, до сега сигурно сфативте дека животинскиот дезен е најголемиот тренд што се појави во последните неколку сезони. Иако се чинеше како краткорочен тренд, парчињата со животнски принт сега ги гледаме на трендсетерките кои до пред неколку сезони тврдеа дека е единствениот тренд што никогаш не би го носеле, а ние веруваме дека и вие сте го промениле мислењето ако не сте биле обожаватели на овој дезен.
Во понудата на high-street продавниците во изобилство има парчиња со дезен од леопард и дезен со змиска кожа, а забележавме дека уште еден дезен е особено популарен оваа пролет. Нормално, станува збор за зебрестиот принт, а според анализите на Google, побарувачката за овој примерок се зголеми за 250%.
Од класичната црно-бела варијанта, до пастелни и земјени дизајни, погледнете како трендсетерките го комбинираат овој разигран пролетен дезен.