Најпознатата plus-size манекенка покажа дека и за време на бременоста можете да чекорите по модна писта

Ешли Греам, најпознатата plus-size манекенка, покажа дека и за време на бременоста можете да чекорите на модната писта, а нејзиното појавување на ревијата „Tommy Hilfiger “ во Њујорк, што се одржа во театарот „Аполо“ во Харлем, предизвика овации кај публиката.

На ревијата на Tommy Hilfiger на Модната недела во Њујорк, таа се појави на модната писта во црн фустан и високи потпетици, а како додаток тука беше трудничкото стомаче, кое гордо го придржуваше со раката.

– Каква ноќ! Оваа ревија беше незаборавна, возбудлива и навистина инспиративна. Јас сум многу благодарна и горда што учествував во вакво неверојатно шоу. Ви благодарам што ја почитувате важноста за вклучување и претставување на различни жени на вашата писта и покажавте дека убавината доаѓа во многу форми. Никогаш не замислував дека ќе одам бремена на писта, навистина ми беше чест “, напиша Ешли после ревијата.