Никол Кидман и Кит Урбан: Животна љубовна приказна

Кит Урбан, во неделата доби наградата за уметник на годината,  на доделувањето на признанија од Академијата за кантри музика. Популарниот музичар во Лас Вегас се појави рака под рака со неговата сопруга, Никол Кидман, и сите очи беа вперени во нив. Откако му беше доделено признанието, Кит со емотивен говор и се обрати прво на актерката, која вљубено го гледаше и го поддржуваше од првиот ред.

– Ти благодарам многу. Девојко, толку многу те сакам. Им благодарам на сите од мојот тим. Благодарам на фановите, вие сте неверојатни. Немате идеја колку ова ми значи ова, немате идеја – рече пејачот.

По овациите од публиката им се заблагодари и на ќерките кои ги има со Кидман.

– Девојки, ве сакам, тие се сега дома и гледаат. Ви благодарам на сите, Бог да ве благослови сите – рече Урбан.

Ве потсетуваме, ова е прв пат педесетгодишниот музичар да освои награда, иако бил номиниран неколку пати.