Pink ја доби својата „Ѕвезда“ на Hollywood Boulevard: Вие сте моите две ѕвезди без кои не би можела да блескам!

Пејачката Пинк конечно ја доби својата ѕвезда на Hollywood Boulevard. По две децении блескање на светската музичка сцена, една од најпознатите поп-рок пејачки е наградена со оваа престижна награда. На свечената церемонија, пејачката се појави со своето семејство, а кога и се обрати на публиката и на присутните медиуми, Пинк му се заблагодари на својот сопруг: „Благодарение на тебе, денес сум овде, каде што сум, те сакам, иако ме нервираш секој ден“, рече таа.

Во текот на своето обраќање, Пинк ги спомена и своите ќерки: – Вие сте мои две ѕвезди без кои не би можела да блескам – рече Пинк.