Ако некоја пријателка редовно се жали на истите работи, помала е веројатноста да стори нешто околу нив и поголема е веројатноста да заглави во негативен начин на размислување.
Стешенот до кој што жената им се жали на пријателите за своите проблеми, тие ги прават да изгледаат поголеми и позначајни за неа, открило студија на Универзитетот во Мисури. Поради ваквите разговори, жените „заглавуваат“ во негативно размислување, што пак доведува до стрес и вознемиреност, објаснуваат истражувачите. Откриваат дека споделувањето проблеми првично предизвикува добри чувства затоа што поттикнува лачење на хемиски соединенија одговорни за добро расположение, но ако редовно разговараме за нив, ги поттикнуваме депресивните чувства во нас самите.
„Зборувањето за стравови и нервози ги прави уште потешки, и колку повеќе зборуваме, толку е помала веројатноста да направиме нешто за нив“, изјави авторката на студијата Аманда Роуз. Таа посочува дека мажите избегнуваат да зборуваат за своите проблеми и претпочитаат да се посветат на забава со пријателите, додека се релаксираат подобро од жените.