Актерката од „Педесет нијанси сиво“ го изговори судбоносното ДА!

Откако се прослави со улогата во контроверзниот филм „Педесет нијанси сиво“, 31-годишната актерка Дакота Џонсон стана една од најбараните актерки во Холивуд, па нејзината врска со фронтменот на „Колдплеј“, Крис Мартин (43) стана интересна за американските медиуми иако се обидува да се држи настрана од јавноста. Сепак, магазинот „Пипл“ објави дека Крис и Дакота се свршиле по тригодишна врска, наведувајќи како доказ голем прстен кој се појавил на прстот на актерката.

Ќерката на познатата актерка Мелани Грифит и актерот Дон Џонсон од култната серија ‘Miami Vice’ од 80-тите, беше фотографирана неодамна додека разговараше на мобилен телефон и беше тешко да не се забележи новиот, голем смарагден прстен на левата рака. Бидејќи тоа беше единствениот прстен што го носеше, многумина заклучија дека Крис конечно клекна пред неа и и постави судбоносно прашање.