Би биле доволни да ја обиколат планетата Земја 180 пати… Како би изгледале тие 200 милијарди долари на Џеф Безос доколку се наредат банкнотите една до друга?

Популарниот американски астрофизичар Нил де Грас Тајсон живописно опиша колку е навистина богат водачот на Амазон, Џеф Безос.

На својот Инстаграм профил, тој на интересен начин ги опиша 200 милијарди долари, колку изнесува богатството на Безос.

„Никој не ме праша за тоа, но ако банкнотите на доларот во вкупна сума од 200 милијарди долари, колку изнесува богатството на Безос, беа наредени едни до други, ќе беа доволни да ја обиколат планетата Земја 180 пати.

До Месечината би можело да се стигне и врати 30 пати, а остатокот од парите да се искористи за да се направи куп висок 10 километри “, истакнал Де Грас Тајсон, пренесува Кликс.

View this post on Instagram

Not that anybody asked, but laid end-to-end @jeffbezos’ 200-Billion dollars can circle Earth 180 times, then reach the Moon & back 30 times — and with what’s left over, make a stack 10 kilometers high.

A post shared by Neil deGrasse Tyson (@neildegrassetyson) on Aug 28, 2020 at 6:45am PDT

За потсетување, пред неколку дена, најбогатиот човек на светот стана уште побогат.

Богатството на Безос достигна неверојатни 200 милијарди долари.

Американското деловно списание „Форбс“ верува дека богатството на Безос е најголемо досега. Досега Амазон добро се снаоѓаше.