Дали може вашата вагина да биде во депресија?

Еве што се случува со вашата вагина кога долго време немате секс.

Сите знаеме дека животот е поубав ако редовно имате секс. Бројни се позитивните ефекти од сексот врз вашето здравје: вашиот имунитет се зголемува, подобро спиете, нивото на стрес се намалува, а сексот е добар и за вашето срце – се смета за вежба. Но, што се случува со вашето тело и вагината кога апстинирате од секс?

Депресивна вагина

Новото истражување докажува дека навистина може да се случи вагината да стане депресивна ако долго време немате односи. Вториот назив за оваа состојба е атрофирана вагина, а може да биде предизвикана од неколку фактори – еден од нив е премалку секс. Мускулите на вагината (како и сите други мускули на вашето тело) страдаат кога не ги користите. Сексот и оргазмот ви помагаат за протокот на крв на овие мускули, што е неопходно за мускулите за да добијат доволно кислород. Вагината може да стане депресивна или атрофирана на било која возраст, но се почеста е кај жените во менопауза. Симптомите се дека ѕидовите на вагината стануваат послаби и потенки па може да почувствувате болка или иритација, иако немате инфекција. Единствениот начин да го решите овој проблем е повторно да почнете да ја користите вагината. Започнете со лесна масажа со многу лубрикант, бидејќи атрофираното ткиво е поосетливо.

Влијание врз либидото

Колку подолго трае вашата сексуална апстиненција, толку повеќе ќе се намалува желбата за секс. Затоа објаснувањето е едноставно – само затоа што немате секс, почнувате да се чувствувате се помалку и помалку како сексуално суштество и на тој начин ја губите желбата за секс. Ова се совпаѓа со фактот дека кога ќе почнете повторно да имате сексуални односи, ќе ви треба подолго време да се возбудите и навлажните, а исто така и да се опушти ткивото. Она што е добра вест е дека веднаш штом се вратите во акција, вашата желба за секс ќе се врати!