Garmin на хакерите им платил дури 10 милиони долари за откуп на сопствените податоци?

Garmin неодамна бил под опсада на хакери кои успешно ја пробиле сигурносната мрежа и дошле до вредни податоци. Побарале огромна сума за да го достават дескрипцискиот клуч. По неколку дена Garmin ја вратил ситуацијата во нормала, веројатно исплаќајќи ја бараната сума кон хакерите.

Компанијата Garmin во светот има многу добар и респектабилен статус, особено на пазарот за часовници и навигација. Но хакерите успешно го пробиле безбедносниот систем на Garmin и стигнале до вредни податоци. За да ги вратат саканите податоци повторно во свое сопствеништво, во Гармин морале да платат откуп кој наводно изнесувал 10 милиони долари.

Експертите тврдат дека скриптата за декриптирање почнала да работи неколку денови по хакерскиот напад. Најверојатно Garmin успеал да постигне договор за враќање на вредните податоци.

Интересно е што од компанијата Garmin засега не дале конкретен одговор на коонкретното прашање кој го нападнал системот, односно како делови од системот повторно се вратиле во функција. Ако Garmin навистина го платил откупот, тоа значи дека информациите вредат многу, но покажува и колкава моќ имаат хакерите кои знаат што прават.