Како што старееме, нашето тело минува низ многу промени, а една од тие промени е создавање брчки на челото.
Бројот на овие исечени линии на кожата зависи од тоа колку се грижиме за нашето лице, но и од голем број други фактори, како што се исхраната, стресот, консумирањето алкохол и цигари…
Иако возраста е една од главните причини за брчките (поради помало производство на колаген, што ја одржува свежината на нашата кожа), ние може да ги обвиниме нашите навики во живот за нивното формирање.
Ако имате навика да лежите на стомакот, така што лицето ви е нурнато во перница, го зголемувате ризикот од брчки на челото. Исто така, ако премногу често сте изложени на штетна сончева светлина, поверојатно е дека имате зголемен број на овие линии на вашата кожа.
Ејџеј Рана, познат дерматолог, ги откри сите начини на кои можете да го спречите и намалите појавувањето на брчките на челото.
- Масажа со масло
Масирајте ја кожата на лицето редовно со нежни движења, бидејќи влијае на подобра циркулација и ги релаксира мускулите на образите, со што се елиминираат брчките. Кокосовото масло е најдобро за кожата, и најдобро е да се примени овој третман најмалку двапати неделно.
- Витамин Ц
Ако одлучите да започнете со диета, изберете ја онаа што содржи многу храна богата со витамин Ц и избегнувајте диета заснована на јаглехидрати или масти, бидејќи тоа може само да ја зголеми фреквенцијата на брчки на лицето.
- Престанете да пушите
Веројатно веќе знаете дека пушењето е една од главните причини за прекумерно стареење на кожата и брчките. Хемикалиите во цигарите предизвикуваат оштетување на еластичноста на кожата.
- Користете гел од алое вера
Редовната употреба на гел од алое вера може да биде ефикасно решение. Масирајте ја кожата на лицето со овој гел, оставете ја да отстои, а потоа исплакнете го лицето.
- Останете хидрирани
Добро хидрираната кожа спречува формирање на изразени брчки на челото. Пијте најмалку 8 чаши вода на ден.
- Користете креми за сончање со заштитен фактор
Долготрајната изложеност на УВ зраци е многу штетна за кожата и помага при создавање на брчки. Користењето на креми за сончање може значително да го намали овој ризик.
- Контролирајте го нивото на стрес
Брчките на челото, исто така, може да се појават како последица на честа нервоза. Стресот често нè принудува да правиме различни изрази на лицето, што доведува до формирање на овие брчки. Обидете се да го намалите нивото на стрес!