Новиот коронавирус е најактивен на температура околу четири Целзиусови степени, додека за околку 5 минути умира на температура од 70 Целзиусови степени, според студијата на научниците од Универзитетот во Хонг Конг.
На четири степени, вирусот може да живее скоро две недели, додека на температура од 70 тој умира за пет минути, според медицинската студија објавена на medrxiv.org.
На температура од 22 степени короната е активна седум дена, на 37 степени не повеќе од два дена, додека на температура од 56 степени може да живее 30 минути.
Научниците исто така ја испитале одржливоста на вирусот на различни површини, а откриено е дека на површината на медицинската маска останува една недела, на собна температура и влажност во воздухот од 65%.
На хартија, вирусот опстојува помалку од три часа, на дрво и материјал не повеќе од два дена, на стакло помалку од четири дена, додека на челик и пластика останува една недела.